Benta

Benta bidegurutze edo bide ondoan egoten den etxe bat da, herrigunetik at, bidaiariei ostatu eskaintzen diena. Bentek garrantzi nabarmena izan dute Euskal Herriko historian, eta, egun, Euskal Herriko bide bazterretan ugari dira Benta izenez ezagunak diren etxeak, batzuetan oraindik ere ostatua eskaintzen dutenak. Toponimian ere arrasto anitz utzi dituzte. Adibidez, ezagunak dira Tolosako herrigunetik hurbil dagoen Benta Haundi, Beasaindik gertu dagoen Matxinbenta eta Donostiako Benta Berri auzoa.