Gojira

Gojira
Gojira 2006an Finlandiako Tuska Open Air Metal Festivalen.
Datuak
Jatorria	Baiona aldea ( Lapurdi), Ondres (Landak, Okzitania)
Musika mota	death metal metal progresiboa
Urteak	1996tik
Produkzioa
Diskoetxea(k)	Listenable Records Mon Slip (diskoetxe independentea)
Taldekideak
Joseph (Joe) Duplantier (kantaria, gitarra) Mario Duplantier (bateria) Christian Andreu (gitarra) Jean-Michel Labadie (baxua)
Lehengo taldekideak
Alex Cornillon (baxua)
Informazio gehigarria
www.gojira-music.com

Gojira death metal progresiboa egiten duen musika taldea da; 1996an sortu eta Baiona^[1] inguruko herri batzuetako kideek osatzen dute. Ingelesez kantatzen dute.

Musika estilo horren barruan nazioartean ospe handia lortu du eta 2017ko Grammy Sarietarako izendatua izan da.

Ezaugarriak

Gojiraren hitzetako gaiak bizitza eta heriotza, espiritualtasuna eta ingurumenaren babesa dira. Natura eta amalurraren alde taldekideek duten interesa^[2] jaio diren ingurumen eta kostaldean inspiratuta dago.

Taldearen izena Godzillaren japonierazko bertsioa da; taldearen lehen izena Godzilla bera izan zen baina eskubide arazoak direla medio 1999an aldatu behar izan zuten.^[3] Bere musikak Morbid Angel, Tool, Meshuggah eta Death taldeek egiten dutenarekin antzekotasuna du.

Historia

Gojira Baiona-Ondres inguruan sortu zen 1996an.

Joseph eta Mario Duplantier Empalot taldean ere aritzen dira baina hau geldirik dago 2003tik. Joseph Joek beste talde batzuekin (Manimal, Klone, Apocalyptica) kolaboratu du eta Cavalera anaiek (Sepultura, Soulfly) duten Cavalera Conspiracy proiektuan ere bai.

2003ko The Link diskoarekin Europan zehar ezagunak izaten hasi ziren eta azken urteotan metalaren munduan duen ospea izugarri handitu da; The Way of All Flesh beren azken diskoa, From Mars to Sirius aurrekoa eta The Link Alive DVDarekin Ipar Amerikarako jauzia eman dute. Jaialdi eta bira garrantzitsu batzuetan esku hartu dute:

• Download Festival Parisko Bercyn 2006ko azaroaren 7an. Unholy Alliance Tour biraren barruan, non talde nagusia Slayer zen eta frantses estatuan zehar ehun kontzertu baino gehiago eta Ingalaterran urrian bira eman eta gero.
• 2007ko apirilean AEB eta Kanadan kontzertu sorta luzea eman zuen Lamb Of God, Machine Head eta Trivium taldeekin.
• AEBetan 2007ko urriaren 18tik azaroaren 18 arte Radio Rebellion Tour biran ere parte hartu zuen Job for a Cowboy, Behemoth eta Beneath the Massacre taldeekin.
• 2008ko abuztuaren 14an Metallica taldearen aurrean jo zuten estrainekoz Arrasen (Pas-de-Calais). Kaliforniarrek Gojira 2009ko iraila eta urrian AEB eta Quebecen burutu zuten biran parte hartzeko konbidatu zuten, Lamb of Godekin batera.

2010ari dagokionez, Alemaniako Wacken Open Air^[4] jaialdi mitikoan abuztuan eta Schlettstadteko (Alsazia) Lez'arts sceniques uztailaren 30ean egon dira. Euskal Herria Zuzenean^[5] ere aritzekoak ziren Heletan baina eguraldia dela medio egun horretako jaialdia bertan behera geratu zen.

Azken urteetan Nazioarte mailan sona handia hartu du. 2016ko abuztuan BBC Radio 1-erako The Shooting Star abestia grabatu zuten^[6] eta 2017ko otsailean banatuko diren Grammy Sarietarako izendatua izan da Gojira bi ataletan, metal abestirik onena Silvera kantua eta rock diskarik onena Magma.^[7]

Taldekideak

Oraingoak

• Joseph Duplantier – Abeslaria, gitarra.
• Mario Duplantier – bateria.
• Christian Andreu – Gitarra.
• Jean-Michel Labadie – baxua. Kanboarra.

Kide-ohia

• Alexandre Cornillon – Baxua.

Lanak

Diskografia

• Victim, 1996. 4 kantako EPa.
• Possessed, 1997. 5 kantako EPa.
• Saturate, 1999. 4 kantako EPa.
• Wisdom Comes, 2000. 7 kantako EPa.
• Terra Incognita, 2001. 14 kanta.
• The Link, 2003. 11 kanta.
• The Link Alive, 2004. Zuzenean grabatuta, 14 kanta.
• From Mars To Sirius, 2005. 12 kanta.
• The Way of All Flesh, 2008. 12 kanta. Taldearen nortasuna mantentzen bada ere, metal estatubatuarraren eragina du
• L'Enfant Sauvage 2012. 11 kanta. 2 zuzeneko bonus track edizio berezian.
• Magma 2016. Grammy Sarietarako izendatua.
• Fortitude, 2021.

Bideo musikalak

Bost bideo musikal eginak dituzte 2010erako:

• Deliverance (1999), Saturate demotik aterata eta The Link Alive DVDan dagoena.
• Love (2001), Terra Incognita diskotik eta DVD berean dagoena.
• To Sirius (2005), From Mars to Sirius diskotik.
• Vacuity (2008), The Way of All Flesh diskotik.
• All the tears (2009), The Way of All Flesh diskotik.
• Live at Les Eurockéennes 2009, L'Enfant Sauvage diskotik.

Erreferentziak

Ikus, gainera

• Death metal
• Metallica

Kanpo estekak

• (Ingelesez) (Frantsesez) Webgune ofiziala.
• (Ingelesez) Taldea MySpacen.
• (Ingelesez) Elkarrizketa Metalstorm webgunean.
• (Gaztelaniaz) Gojira Friki.neten.

• Datuak: Q1011412
• Multimedia: Gojira / Q1011412