Jaime Gil de Biedma

Jaime Gil de Biedma
Irudi gehiago
Bizitza
Jaiotza	Bartzelona, 1929ko azaroaren 13a
Herrialdea	Espainia
Heriotza	Bartzelona, 1990eko urtarrilaren 8a (60 urte)
Hobiratze lekua	Cuelgamuros Harana
Heriotza modua	berezko heriotza: HIESarekin loturiko arazogatik hildakoa
Familia
Aita	Luis Gil de Biedma Becerril
Ama	María Luisa Alba y Delibes
Familia	ikusi Miguel Delibes (second uncle ^(en) ) Esperanza Aguirre (iloba) Ouka Leele (iloba)
Hezkuntza
Heziketa	Bartzelonako Unibertsitatea Salamancako Unibertsitatea
Hizkuntzak	gaztelania katalana
Jarduerak
Jarduerak	poeta eta idazlea
Mugimendua	1950eko belaunaldia
Genero artistikoa	olerkigintza

Jaime Gil de Biedma (Bartzelona, Katalunia, 1929ko azaroaren 13a - Bartzelona, 1990eko urtarrilaren 8a) gaztelaniaz idatzi zuen kataluniar olerkaria izan zen.

Biografia

1950eko Belaunaldiko kide zen, Bartzelonako taldean alegia. Iradokizun ugari eskaintzen du Gil de Biedmaren poesiak; ironia zorrotz erabiltzen zuen, egunerokotasun landu batekin batera. Liluratik urruti dagoen mundu-ikuspegia agertzen zuen, beti; adiskidetasuna eta iragandako gaztetasuna dira haren gai nagusiak.

Bere poema-bilduma guztiak Las personas del verbo liburuan bildu zituen, 1975ean. Jorge Guillén espainiar poetari buruzko lan jakingarri bat egin zuen; saiakera-lanak 1980an bildu zituen El pie de la letra izeneko liburuan. 1956an Filipinetan harrapatutako tuberkulosi baten ondorioz idatzitako egunerokoa argitaratu zuen, 1974an, Diario del artista seriamente enfermo. Garai hartako zentsura zela eta, 1991 arte ez zen agertu osorik, Diario del artista en 1956 izenburuarekin. Hurrengo belaunaldietan eragin handia izan du Gil de Biedmaren lanak.

Ondorengoak

Jaime Gil de Biedmak ez zuen seme-alabarik izan, baina bere bi iloba ospetsu bihurtu dira, nor bere esparruan. Esperanza Aguirre Gil de Biedma Alderdi Popularreko politikaria da, eta Madrilgo Erkidegoko presidente izana da. Ouka Lele izenez lan egiten duen argazkilaria, berriz, Bárbara Allende Gil de Biedma da izatez^[1].

2010ean El Cónsul de Sodoma film espainiarra estreinatu zen, Gil de Biedmaren biopic bat. Sigfrid Monleonek zuzendu zuen, eta Jordi Molla aktoreak gorpuztu zuen poeta^[2].

Espainian bada poesia sariketa bat Gil de Biedmaren izena daramana, Segoviako Diputazioak antolatua^[3].

Erreferentziak

↑ (Gaztelaniaz) BOSCO, ROBERTA. (2010-01-22). «Ouka Leele, de la pintura a los píxeles» El País ISSN 1134-6582. (Noiz kontsultatua: 2018-06-10).
↑ Amatiño. «Sodomako kontsula — Eibar.ORG | Eibarko peoria» eibar.org (Noiz kontsultatua: 2018-06-10).
↑ (Gaztelaniaz) «El poeta Antonio Praena gana el Premio Jaime Gil de Biedma» ELMUNDO (Noiz kontsultatua: 2018-06-10).

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Jaime Gil de Biedma

Autoritate kontrola	Wikimedia proiektuak Datuak: Q978013 Multimedia: Jaime Gil de Biedma / Q978013 Identifikadoreak WorldCat VIAF: 46770462 ISNI: 0000000114719049 BNE: XX922494 BNF: 11998064w (data) CANTIC: a10605307 GND: 118876422 LCCN: n80086743 NKC: jn20000601805 SNAC: w6hg1png SUDOC: 028072537 UB: a1070131 Open Library: OL144371A Hiztegiak eta entziklopediak Lur: 02436/eu_g_1825/g1825 DBE: url Bilduma digitalak BVMC: 2956 Dialnet: 12911

Autoritate kontrola