Lord Kitchener Wants You

Lord Kitchener Wants You (edo Lord Kitchenerrek Zu Nahi Zaitu euskaraz) 1914an sortutako erreklutamendu kartel bat izan zen, Alfred Leetek diseinatua. Kartelean Lord Kitchener Gerrarako estatu-idazkari britainiarra agertzen zen, "WANTS YOU" hitzak azpian zituela.

Kitchenerrek britaniar armadako goi karguaren kapela soinean, ikusleari hitz egiten dio (zuzenean seinalatuz) Erdialdeko Potentzia aurka armada britainiarrean izena eman dezan. Lehen Mundu Gerrako irudi ikoniko eta gogoangarrienetako bat kontsideratzen da. Eragin handiko irudi eta eslogana izan da, beste herrialde batzuetako imitazioak ere inspiratuz.^[1]

Imitazioak

Lord Kitchenerren kartel honek antzerako beste hainbat kartel inspiratu ditu urteetan.

Euzko Alderdi Jeltzaleak Euzkadi'k Bear Zaitu literalki zioen bat sortu zuen 1972ko Aberri Egunerako, eta 1977an, EAJ Hego Euskal Herrian legal bihurtu zutelarik, afiliazio kanpainetan eta pegatinetan erabili zuen^[2].

Munduko beste kartel ezagun batzuk:

Britania Handia, Lehen Mundu Gerra, 1915. "Nor falta da? Zeu zara?"
1917, AEB, "AEBko armadan nahi zaitut"
Lehen Mundu Gerrako kanadiar kartela^[3].
Armenia, "Jarrai ezazu zure herriaren amets sakratua".
USA, Lehen Mundu Gerra, judutarrei deia: "Your Old New Land must have you! Join the Jewish regiment"
Errusia, Armada Zuria, 1919. "Zergatik ez zaude armadan?"
Errusia, Armada Gorria, 1920. "Aurkeztu al zara bolondres Armada Gorrian?"
Brasil, 1932. "Eginbehar bat duzu burutzeko. Galdetu zure kontzientziari!"
Bigarren Mundu Gerrako kartel sobietarra, 1941. "Nola lagundu duzu frontean?"
Eslovenia, 1944.
Hungaria, 1919: “Zu! Ilunpetan zelatan dabilen iraultzaren kontrako esameslaria, izu zaitez!”
Espainia, Gerra Zibileko kartel anarkista, 1936: "Milizianoek behar zaituztete!".
Japonia, 1931: "Entzun, nazio guztietako langileok!"
Irlanda, 1915: "Sar zaitez Irlandar Erregimentuan"

Erreferentziak

↑ (Ingelesez) «Kitchener: The most famous pointing finger» BBC News 2014-08-04 (Noiz kontsultatua: 2023-03-22).
↑ EAJ-PNV. (2017-03-23). Euskadik behar zaitu afiliate. (Noiz kontsultatua: 2023-03-22).
↑ (Ingelesez) «WarMuseum.ca - Canadian Wartime Propaganda - First World War» www.warmuseum.ca (Noiz kontsultatua: 2023-03-22).