Maider Oleaga
| Maider Oleaga | |
|---|---|
 | |
| Bizitza | |
| Jaiotza | Bilbo, 1976 (47/48 urte) |
| Herrialdea |  Bizkaia, Euskal Herria |
| Hezkuntza | |
| Heziketa | Nafarroako Unibertsitatea |
| Hizkuntzak | gaztelania euskara |
| Jarduerak | |
| Jarduerak | dokumentalgilea, errealizadorea eta gidoilaria |
   | |
Maider Oleaga (Bilbo, 1976) bilbotar dokumental-zuzendaria eta gidoilaria da.[1]
Biografia
Maider Oleaga Bilbon jaio zen 1976an. Ikus-entzunezko Komunikazioan lizentziatu zen Nafarroako Unibertsitatean, eta zinema-zuzendaritzan diplomatu zen ECAMen, Madrilgo Erkidegoko Zinematografia eta Ikus-entzunezko Eskolan. 2015ean, Euskal Herriko Unibertsitateko (UPV/EHU) Ikasketa Feminista eta Generoko Masterra egin zuen.
Ibilbidea
Oleaga, batez ere, Espainian eta Mexikon dokumentalak zuzendu, gidatu eta egiten aritu da, azken herrialde honetan zazpi urtez bizi izan baitzen.[1] Film luzeen zuzendaritza-taldean ere egin du lan, hala nola La pilota vasca. La piel contra la piedra, Entre dos mundos. La historia de Gonzalo Guerrero, The Fifth Patient eta Apokalipto-n.
Amaren Ideia (La idea de mi mamá) izan zen bere lehen film luze dokumentala, Espainiako Gerra Zibileko hiru emigranteren erretratua, 71 urte ondoren etxera itzultzen direnak.[2] Paso al límite (Muga deitzen da pausoa) filmarekin, Oleaga Elbira Zipitriaren irudira hurbiltzen da, frankismoaren garaian bere etxea, Donostiako alde zaharrekoa, ikastola klandestino bihurtu baitzuen.[3] Filma Gijongo Nazioarteko Zinemaldian aurkeztu zen.[4] eta Donostiako Nazioarteko Zinemaldian. 2021ean, Kuartk Valley dokumentala aurkeztu zuen Zinemaldian, westernaren filmazioaren intrahistoria Algo más que morir Arabako Kuartangon egina.[5] Maider Oleagak Euskal Gidoigileen Elkartea saria irabazi zuen, Donostiako zinemaldian euskal ekoizpeneko fikziozko film luze onenaren saria.[6]
Lanak
- La muerte de Sardanápalo, 2001
- Amaren Ideia, La idea de mi madre, 2010
- Sitios prestados al aire, 2011
- Esperanza (2012)
- Berlín punto de fuga (Iragan Gunea Berlin), 2016[7]
- Verabredung, 2017
- Paso al límite (Muga deitzen da pausoa), 2018[8]
- Kuartk Valley, 2021
Sariak eta aintzatespenak
- Arabako Guardiako 6. Zinemaldian zuzendari onenaren saria jaso zuen,La muerte de Sardanápalo lanagatik
- Argazki onenaren aipamena Zaragozako 7. Zinemaldian (FCZ), Espainia
- Michoacana ataleko lan onenaren saria Moreliako Nazioarteko 8. Zinemaldian (FICM)
- Lehen saria SEMINCIko Doc España atalean, Veraberredung dokumentalagatik.[9]
- Urrezko Izurde Saria, Austriako 1. Cannes Corporate Media & TV Awards-eko Dokumental Etnografiko eta Soziologikoaren kategorian
- Mexikoko Zinematografia Institutuko (IMCINE) 11. Film Laburren Lehiaketa Nazionalaren lehen saria, Sitios prestados al aire lanagatik
- Aipamen berezia Huelvako 37. Zinema Iberoamerikarreko Jaialdian, Sitios prestados al aire lanagatik
- Euskal Gidoigileen Elkartearen saria Donostiako Nazioarteko Zinemaldian.
Erreferentziak
- ↑ a b Directorio de realizadores mexicanos FICM | Oleaga; Maider. .
- ↑ día, Salamanca RTVE al. «La Semana de la UNAM en la Universidad de Salamanca proyecta el documental ‘Amaren ideia’» Salamanca rtv al día: El periódico digital de toda Salamanca.
- ↑ «Festival de San Sebastián» sansebastianfestival.
- ↑ «Maider Oleaga: «La forma en la que hago las películas es un modo de vida»» El Diario Vasco 2 de noviembre de 2018.
- ↑ «Maider Oleaga: "Si se necesita contar una historia, da igual el tamaño de la película"» EITB Radio Televisión Pública Vasca 2021-09-20.
- ↑ «Maider Oleaga: «En el western uno era libre, ahora hay que vender el tiempo a cambio de comer»» El Diario Vasco 2021-09-18.
- ↑ Berlín – Agirre Lehendakaria. .
- ↑ Telebista, Euskal Irrati. «'La persona que se acerca a Elbira Zipitria no soy yo, es un personaje'» www.eitb.eus.
- ↑ «Inesperada Espiga de Oro para un thriller ambientado en Egipto» El Diario Vasco 29 de octubre de 2017.
Kanpo estekak
- Entrevista a Maider Oleaga
- Maider Oleaga en Vimeo
| Autoritate kontrola |
|---|
Datuak: Q97985277
