Marcelino Garde

Marcelino Garde
Bizitza
Jaiotzako izen-deiturak	Marcelino Garde Villafranca
Jaiotza	Zarrakaztelu, 1925eko urriaren 2a
Herrialdea	Nafarroa Garaia, Euskal Herria
Heriotza	Arripodas, 1990eko maiatzaren 6a (64 urte)
Hezkuntza
Hizkuntzak	gaztelania euskara
Jarduerak
Jarduerak	apaiza eta poeta
Izengoitia(k)	Erronkari-Txoriño

Marcelino Garde Villafranca (Zarrakaztelu, Nafarroa, 1925eko urriaren 2a - Arripodas, Nafarroa, 1990eko maiatzaren 6a) euskal idazlea, apaiza eta euskaltzalea izan zen.

Euskaltzalea

Aita, Anastasio Garde Goñi, EAJko kidea zen eta hortik omen zetorkio euskararekiko zaletasuna. 40koen hamarkadan, apaiz-ikasketak egiten ari zelarik eta Seminarioan gerra ostean euskarazko eskolarik ez zegoenez gero, euskara ikasteari ekin zion bere kasa Intxaurrondoren Gramatikaren laguntzaz.

Apaiztu ondoren, Erronkariko Uztarrozen izan zen erretore, eta han bertako euskalkia ikasi zuen. Poesiak ere idatzi zituen erronkarieraz. 60koen hamarkadan Iruñeko Uxue Ikastolaren sorreran murgilduta egon zen. 1964an euskaltzain urgazle izendatu bazuten ere, Batuaren aurkako jarrera sutsua zeukan eta 1978ean sorturiko Euskerazaintzako kidea izan zen.

1973etik 1984ra Vianako Printzea Erakundearen aldizkariaren euskerazko gehigarriaren zuzendaria izan zen eta 1984tik bere heriotzaren unerarte Diario de Navarraren "Nafar-Izkuntza" izeneko euskarazko orriaren arduraduna izan zen

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Garde'tar Marzelino (Euskerazaintzako aldizkaria, 63. alea).
Gerinda bai bloga.
Euskaltzaindia: Marcelino Garde, Erriberako euskalduna.
Argia: Heriotza oharra.
Bertso eta olerkien hemeroteka.
Zarrakaztelu.eus.
(Gaztelaniaz)"Los académicos de La Ribera: Peralta, Iribarren y Garde" (Joxemiel Bidador, 2002).