Mercedes Agirrezabalaga

Mercedes Agirrezabalaga
Bizitza
Jaiotza	Irura, 1928ko irailaren 22a (95 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	pilotaria
Izengoitia(k)	Arantza

Mercedes Agirrezabalaga Indagoyen (Irura, Gipuzkoa, 1928ko irailaren 22a) erraketista profesionala izan zen. Arantza izengoitiaz jokatu zuen, aurrelari postuan, Madrilgo, Mexikoko eta Acapulcoko frontoietan.^[1]

Biografia

Erraketista ibilbidea

Mercedes Agirrezabalagak Madrilgo Chiqui-Jain, Acapulcoko Jai-Alain eta Mexikoko Metropolitano eta Colón frontoietan jokatu zuen bere erraketista ibilbidean zehar

Mercedesez gain hainbat erraketista sortu ziren Iruran, besteak beste; Gloria Agirrezabalaga Olano, Garbiñe Balerdi Urrestarazu, Eladia Balerdi Urrestarazu, Eladia Altuna Balerdi, Belén Balerdi Urrestarazu eta Izaskun Ayestaran Pérez.

Erraketisten historia

Erraketisten historia, orain arte nahiko isilik egon bada ere, esanguratsua izan zen oso. Hego Euskal Herriko 47 herritako 237 erraketista profesional daude zenbatuta. Zenbaki garrantzitsua da eta gainera, 1940. hamarkadako estatistiken arabera, emakume lizentzia gehiago zeuden gizonenak baino.

Aintzindariak

Erraketistak garaiko emakume aurreratuak izan ziren, familia eta herria utzi eta lanera alde egin eta mundu guztian zehar maila profesionalean pilotan aritu zirenak 1917 eta 1980 artean. Beren ibilbidearen berri, aitzitik, inork gutxik izan du oraintsu arte. Azken urteotan aldiz, hainbat erakusketa eta omenaldi ari dira antolatzen.^[2]

Omenaldiak

2020an 'Erraketistak' izena jarri zion Ibarrako Udalak Emeterio Arreseko pilotalekuari; GKo Gallerykoek margotu zuten murala. Aurreko urtean Izaskun Ayestaran erraketista ohia omendu zutenean hari zin egin zioten, erraketista guztien omenez, Emeterio Arreseko pilotalekuari Erraketistak izena jarriko ziotela.^[3]

Erreferentziak

↑ «Mercedes Aguirrezabalaga Indagoyen Arantza | Raketistak» datubasea.raketistak.com (Noiz kontsultatua: 2023-01-10).
↑ Garmendia, Lander Muñagorri. «Ahaztutako erraketistak» Berria (Noiz kontsultatua: 2023-01-10).
↑ «Erraketisten omenezko izena, pilotalekuari - Ibarra» Tolosaldeko ataria (Noiz kontsultatua: 2023-01-10).