Musika arin

Musika arin

Musika arina (ingelesez: easy listening) herri-musikako genero bat da, eta melodia sinpleak, itsaskorrak eta erlaxatuak izateagatik bereizten dena, harmonizazio errazekin eta instrumentazio ez oso deigarriarekin interpretatu ohi dena.

Musika-estilo hau, XX. mendearen erdialdean sortua, swing musikatik eta big band musikarako konposatukoetatik abiatuta garatu zen. Generoak bi mota ditu: instrumentala eta bokala.

Terminologia

Musika arina terminoa oker lotu izan da hainbat generorekin, hala nola soft rockarekin, soft poparekin, jazzarekin eta baita new age musikarekin ere, nolabait musika arinaren esparrua nahiko zabala izan behar du eta.

Musika arinaren terminoari ingelesez dagokion Easy-listening terminoa lounge music (aretorako musika) edo core lounge deritzonaren antzekoa da, nahiz eta musika-forma horiek jazzarekin lotura handiagoa duten big band eta swing-arekin baino. Sarritan, easy-listening esaten zaio nostalgic music gisa, entzule zaharrenek ulertzeko modukoa delakoan.

Eremu batzuetan, musika arina kitsch-tzat hartzen da (gustu txarrekotzat).

Ingelesez honako izen hauek hartu ditu:

easy listening (entzute errazekoa),
mood music (ingurumen-musika) edo
lift music (igogailu-musika)
- elevator music (AEBetan)
- lift music (Erresuma Batuan).
muzak, termino okerragoa. Berez Muzak ez da musika-generoa. Muzak estaen denean Muzak Corporation-ek leku publikoetarako sortutako eta programatutako musika.

Ingelesdun herrialdeetan beautiful music-arekin (“musika polita”) eta light music-ekin (“musika arina”) ere zerikusia du. Beautiful music musika arineko azpitalde bat da, eta irrati-formatua denez, instrumentazio-estandar zurrunak ditu (adibidez, saxo gutxi edo batere ez), eta murrizketak ditu orduko zenbat ahots-lan emiti daitezkeen zehazteko. Batzuetan Nostalgia music ere deitzen zaio («nostalgia» gaztelaniaz jatorrizkoan ere bai).

Sarritan, musika arineko abestiak hirurogeiko eta hirurogeita hamarreko hamarkadetako herri-kanten bertsio instrumentalak izaten dira. Lite AC formatuak (light adult contemporary music lagunen arteko hizkeran) ia erabat ordeztu du «musika arineko» irratsaioak.^[1]