Vincenzo Viviani

Vincenzo Viviani
Irudi gehiago
Bizitza
Jaiotza	Florentzia, 1622ko apirilaren 5a
Herrialdea	Toskanako Dukerri Handia
Heriotza	Florentzia, 1703ko irailaren 22a (81 urte)
Hobiratze lekua	Santa Croce
Hezkuntza
Heziketa	Pisako Unibertsitatea
Tesi zuzendaria	Evangelista Torricelli Galileo Galilei
Doktorego ikaslea(k)	Isaac Barrow
Hizkuntzak	italiera latina
Irakaslea(k)	Galileo Galilei Evangelista Torricelli
Ikaslea(k)	ikusi Isaac Barrow
Jarduerak
Jarduerak	matematikaria, fisikaria, astronomoa eta zientzialaria
Kidetza	Royal Society Accademia della Crusca

Vincenzo Viviani (Florentzia, 1622ko apirilaren 5a - Florentzia, 1703ko irailaren 22a) italiar matematikaria eta fisikaria izan zen, Torricelli-ren ikaslea eta Galileo-ren laguntzailea.

Biografia

Vincenzo Viviani —Jacopo di Michelangelo eta Maria Alamanno del Nente deitzen ziren gurasoak, Toskanako aitoren etxeetakoak biak— Florentzian jaio zen, 1622. urtean. Jesuiten eskola batean ikasi zuen, non, ikasle bikaina izateagatik, Fernando II.a Medici duke handiak beka bat eman zion matematikako liburuak eros zitzan. Torricelli izan zuen tutore, eta Fisika eta Geometria ikasi zituen berarekin. 1639an, 17 urte zituela, Galileorekin hasi zen lanean, eta ezagutzen den hari buruzko lehenengo biografia idatzi zuen. Vivianik, gainera, berridatzi egin zituen Arkimedesen eta Euklidesen idazkiak. 1661ean, geroago Foucault-en pendulua izenarekin ezaguna izango zen saiakera idatzi zuen, Léon Foucaultek esperimentu hori zehatz formulatu eta frogatu baino ia 200 urte lehenago. 1666an, Fernando II.a Mediciren gortean sartu zen Viviani, matematikari.

Ilargiko krater bati Viviani izena jarri zioten haren omenez.

Ikus, gainera

• Vivianiren teorema
• Vivianiren kurba
• Vivianiren gorputza

Kanpo loturak

Wikimedia Commonsen badira fitxategi gehiago, gai hau dutenak: Vincenzo Viviani

• O'Connor, John J.; Robertson, Edmund F.. «Vincenzo Viviani» MacTutor History of Mathematics archive. St Andrews Unibertsitatea http://www-history.mcs.st-andrews.ac.uk/Biographies/Viviani.html..
• (Ingelesez) Viviani's Theorem

• Datuak: Q318037
• Multimedia: Vincenzo Viviani (astronomer) / Q318037